शेतकऱ्यांबाबतच्या ‘त्या’ वक्तव्याबद्दल कोकाटेंची दिलगिरी; म्हणाले असं वक्तव्य…

Manikrao Kokate Regret on His statement about farmers : एकीकडे शेतकऱ्यांना कर्जमाफी न देण्यावरून राजकीय वातावरण तापलेले असतानाच राज्याचे कृषिमंत्री माणिकराव कोकाटे (Manikrao Kokate) यांनी अवकाळीची पाहणी करण्यासाठी आले असता वादग्रस्त विधान करत बळीराजालाच सुनावल्याचं समोर आले आहे. कर्जमाफीच्या पैशातून लग्न, साखरपुडा करता अशा शब्दत कोकाटेंनी कर्जमाफीबाबत विचारणाऱ्या करणाऱ्या शेतकऱ्याला सुनावले. त्यावर आता कोकाटे यांनी दिलगिरी व्यक्त केली आहे.

त्या वक्तव्याबद्दल कोकाटेंची दिलगिरी!

मंत्री माणिकराव कोकाटे यांनी शेतकऱ्यांबद्दल केलेल्या वादग्रस्त विधानावर दिलगिरी व्यक्त केली. तसेच ते म्हणाले शेतकऱ्यांबाबत मी असं काही वक्तव्य केलंच नाही. शेतकऱ्यांना कर्जमाफी होणार नाही. असं मी काहीही म्हणालो नाही. मात्र शेतकऱ्यांना कायमस्वरूपी सक्षम करणे ही काळाची गरज आहे. असे मी म्हणालो. जो शेतकरी समृद्ध होईल, त्याचा भांडवली खर्च कमी कसा होईल? मार्केटिंग कसं करता येईल? त्यासाठी सरकार प्रयत्न करत आहे. शेतकरी हे माझे मित्रच आहेत.

कुठल्याही मंत्र्यांनी शेतकऱ्यांच्या जखमेवर मीठ चोळू नये; बावनकुळेंनी कोकाटेंच्या वक्तव्यावरून सुनावले

त्यामुळे पंचनामा करताना झालेल्या संभाषणामध्ये मी कोणत्याही प्रकारे शेतकऱ्यांची कर्जमाफी केली जाऊ नये. असं म्हटलं नाही किंवा त्यांचा अपमान केला नाही. तसेच ज्या शेतकऱ्याशी मी बोलत होतो तो माझा मित्र आहे. त्याच्याशी मी थट्टा मस्करी करत होतो असंही कोकाटे म्हणाले. त्यामुळे माझ्या वक्तव्याचा संपूर्ण शेतकऱ्यांशी संबंध नाही. असे स्पष्ट करण आपल्या वक्तव्यावर कोकाटे यांनी दिले.

काय म्हणाले होतेमाणिकराव कोकाटे?

गेल्या दोन दिवसांपासून राज्याच्या विविध भागात अवकाळी पावसाने हजेरी लावली आहे. यामुळे शेतकऱ्यांचे (Farmer) मोठ्या प्रमाणात नुकसान झाले आहे. याच नुकसानीची पाहणी करण्यासाठी राज्याचे कृषिमंत्री माणिकराव कोकाटे हे नाशिक जिल्ह्यात गेले होते. त्यावेळी तेथे उपस्थित एका शेतकऱ्याने कोकाटे यांना शेतकरी कर्जमाफीबाबत विचारलं. ‘अजितदादा बोलले की कर्जमाफी होणार नाही, रेग्यूलर कर्ज भरणाऱ्या शेतकऱ्यांना कर्जमाफी मिळेल का?’ असं शेतकरी कोकाटे यांना उद्देशून म्हणाला. त्यावेळी त्यांनी पाच-दहा वर्ष कर्जमाफीची वाट पाहता. तोपर्यंत कर्ज भरत नाही, असं कोकाटे यांनी म्हटलंय. तसंच कर्जमाफीच्या पैशातून लग्न, साखरपुडा करता असंही ते शेतकऱ्याला उद्देशून म्हणाले.

‘ठीक आहे, मला समजले’: BookMyShow प्रकरणात कुणाल कामराने दिली पहिली प्रतिक्रिया

कर्जमाफी झाल्यानंतर तुम्हाला पैसे येतात. त्या पैशांचं तुम्ही काय करता? त्या पैशांतून शेतीमध्ये एक रुपयाचीतरी गुंतवणूक आहे का?” असा सवाल करत सरकार शेतकऱ्यांना शेतीमध्ये गुंतवण्यासाठी पैसे देणार आहे. तुम्हाला पाईपलाईनाला पैसे आहेत. सिंचनासाठी पैसे आहेत. तुम्हाला शेततळ्यासाठी पैसे आहेत. सरकार भांडवली गुंतवणूक करतं. भांडवली गुंतवणूक शेतकरी करतात का? शेतकरी म्हणतात की, पीक विम्याचे पैसे पाहिजेत. मग त्यातून साखरपुडे करा, लग्न करा,” असं विधान माणिकराव कोकाटे यांनी केलं.

संबंधित बातम्या